З 19 па 23 верасня 2022 г. ў Рэспубліцы Беларусь прайшоў Тыдзень роднай мовы “Як ты дорага мне, мая родная мова!”. У кожны дзень Тыдня ва ўстанове адукацыі праводзіліся разнастайныя мерапрыемствы. Галоўная мэта мерапрыемстваў: захаванне і папулярызацыя беларускай мовы. Пры правядзенні мерапрыемстваў настаўнікі выкарыстоўвалі рэспубліканскі План мерапрыемстваў Тыдня роднай мовы.

   Напярэдаднi правядзення Тыдня 16 верасня 2022 года адбыўся рэспубліканскi дыктант, прымеркаваны да Дня народнага адзінства. У напісанні дыктанта прынялі ўдзел вучні 10–11 класаў.

   Для вучняў пачатковых класаў былі арганізованы мерапрыемствы: гульня-падарожжа “Чароўны клубочак” (1 В клас), прэзентацыя “Мова роднай зямлі” (1 Г клас), конкурс чытальнікаў “Паэтычны алімп” (2 Б клас), турнір знаўцаў роднай мовы (2 В клас), час гульні “Беларускія народныя гульні” (ГПД 2-х класаў), конкурс “Знаўцы беларускай мовы (4 А клас), конкурс “Мая любая родная мова” (4 Б клас), конкурсная праграма “Размаўляем па-беларуску” (4 В клас).

   Для вучняў 5–11 классаў цікавымі і пазнавальнымі былі мерапрыемствы: турнiр-вiктарына “Квiтней, родная мова!” (5 А клас), віктарына “Беларуская скарбонка” (5 Б клас), лiтаратурна-пазнавальная гульня "Сябруем з роднай мовай" (6 А клас), анлайн-квіз “Знаўцы роднай мовы” (7 Б класс), дыдактычная гульня “Падарожжа па дзяржаве Лінгвістыка” (7 Б клас), вiктарына “Родная мова” (9 Б клас), квэст-гульня “Пагуляем у роднае слова” (9 В клас), конкурсная праграма “Маё, беларускае, роднае, кроўнае” (11-я класы).

   Быў у школе і “Тэатр па-беларуску”. Перад вучнямі 5–6 класаў выступіў лялечны тэатр “Батлейка”. А вучні 8 Б класа арганізавалі і правялі для вучняў 5–7 класаў квэст “Падарожжа па краіне роднай мовы”.

   Цікавыя і змястоўныя мерапрыемсты ў рамках Тыдня роднай мовы садзейнічалі не толькі фарміраванню ў дзяцей павагі і любові да роднай мовы, але і ўзбагацілі новымі ведамі, далучылі да духоўнай спадчыны нашага народа.