У жніўні на базе ДУА «Сярэдняя школа 1 г. Глыбокае імя П.В. Сухога» адбылася рэспубліканская навукова-практычная канферэнцыя «Глыбоччына: рэгіянальнае і агульнанацыянальнае ў культуры і гісторыі краю». На канферэнцыі быў заслуханы даклад настаўніцы гісторыі і грамадазнаўства, кіраўніка музея П.В. Сухога Рабіза Н.А. «П.О. Сухой - авиаконструктор, опережавший время».

Рабіза Н.А. атрымала Падзяку Нацыянальнай акадэміі навук Беларусі за актыўны ўдзел у навукова-даследчай і краязнаўчай рабоце і шматгадовую плённую працу па вывучэнні, захаванні і папулярызацыі гісторыка-культурнай спадчыны Глыбоцкага раёна».

Пад час канферэнцыі Дыплом II ступені Нацыянальнай акадэміі навук атрымаў навучэнец 9»А» класа ДУА «Сярэдняя школа 1 г. Глыбокае імя П.В. Сухога» Пятрага Уладзіслаў па выніках конкурсу «Гісторыка-культурная спадчына роднага краю» ў рамках рэспубліканскай навукова-практычнай канферэнцыі «Глыбоччына: рэгіянальнае і агульнанацыянальнае ў культуры і гісторыі краю».

Арганізатары і удзельнікі рэспубліканскай навукова-практычнай канферэнцыі наведалі музей П.В. Сухога, дзе пазнаёміліся з малавядомымі і цікавымі фактамі з біяграфіі сусветна вядомага авіяканструктара.