Падарожжа ў мінулае
У апошні тыдзень лістапада 3 “А” клас пабываў на незвычайным музейным уроку. На яго запрасілі вучняў работнікі гісторыка-этнаграфічнага музея.
У час урока вучні бліжэй пазнаёміліся з тым, як жылі нашы прадзядулі і прабабулі, які выгляд мела тагачасная беларуская хата. Дзеці даведаліся, што знаходзілася ў “бабуліным” куце, з чаго пілі і елі нашы продкі. Падзівіліся на сапраўдную калыску для дзіцяці, паслухалі многа цікавага пра печ. А яшчэ даведаліся, што захоўвалі ў куфары, дзе быў у хаце “чырвоны” кут. Слоўнікавы запас вучняў павялічыўся новымі цікавымі беларускімі словамі.
У канцы ўрока прайшла віктарына, дзе дзеці і замацавалі свае веды.
