Акцыя “Гавары са мной па-беларуску!”
“Гавары са мной па-беларуску!” - такую назву мела акцыя, якая прайшла ў школе 21 лютага ў Міжнародны дзень роднай мовы. На перапынках вядучыя прапаноўвалі ўсім папрактыкавацца ў перакладзе слоў з рускай мовы на беларускую, ўставіць прапушчанае слова ў беларускіх прыказках, прачытаць вершы на роднай мове. За кожнае выкананае заданне ўдзельнікі акцыі атрымлівалі карцінку з васільком.
Напрыканцы дня тыя, хто набраў 5 «васількоў» і больш, маглі атрымаць у піянерскім пакоі этнічны бранзалет. Акцыя вельмі спадабалася і дзецям і настаўнікам.