21 лютага 2022 года ў БДПУ адбылася агульнаўніверсітэцкая дыктоўка, прысвечаная Міжнароднаму дню роднай мовы. Гэты дзень адзначаецца ў Беларусі з 2009 года.  Традыцыйным фарматам святкавання для краіны стала правядзенне дыктоўкі на беларускай мове. У гэтым годзе  далучыліся вучні педагагічнага 10 «Б» класа.

    Адкрыў мерапрыемства народны літаратурны тэатр «Жывое слова» літаратурнай кампазіцыяй па творах класікаў беларускай літаратуры, сярод якіх сёлетні юбіляр Максім Танк, якому споўнілася б 110 гадоў.

    Дыктавала тэкст выкладчык кафедры мовазнаўства і лінгвадыдактыкі Вольга Прыгун. Сёлета адзначаюцца 140-гадовыя юбілеі класікаў беларускай літаратуры Янкі Купалы і Якуба Коласа, таму быў выбраны фрагмент тэкста, звязаны з іх творчасцю. Мадэратарам мерапрыемства стала рэжысёр цэнтра студэнцкай творчасці, кіраўнік народнага літаратурнага тэатра «Жывое Слова» Алеся Сівохіна.

    Настаўнікі школы таксама далучыліся да рэспубліканскай дыктоўкі. Дыктоўка адбылася 21 лютага 2022 г. з 13:00 да 14:00 у рэжыме анлайн праз платформу ZOOM. Арганізатарам выступіў Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі і Цэнтральная навуковая бібліятэка імя Якуба Коласа НАН Беларусі.